སྐྱེ་མེད་རྡོ་རྗེ་དབྱིངས་ཀྱི་ཡུམ་ཆེན་མོ༎འགག་མེད་དཔལ་ལྡན་རང་བྱུང་རྒྱལ་མོ་དང་༎དཔལ་མགོན་སྡེ་ལྔ་ལྕམ་དྲལ་བཀའ་སྡོད་བཅས༎ཡེ་ཤེས་དབྱིངས་སུ་དབུ་འཕངས་བསྟོད་པར་བགྱི༎
རྣམ་པ་ཀུན་གྱི་མཆོག་ལྡན་སྟོང་པའི་གཟུགས༎ཀུན་ཁྱབ་བདེ་ཆེན་ངང་དུ་རོ་གཅིག་ཀྱང་༎མ་རིག་འཛིན་པའི་ལས་རླུང་ཀྱིས་སྤྲུལ་པའི༎གཡར་དམ་གཉན་པོ་ཆོས་ཀྱི་དབྱིངས་སུ་བསྲེ༎འདས་པའི་རྣམ་པར་རྟོག་པ་ཡོད་དོ་ཅོག །སྔར་བཅོལ་ལེགས་པའི་གཏང་རག་གཉན་པོར་སྤེལ༎མ་འོང་རྣམ་པར་རྟོག་པ་གནས་བསྒྱུར་ནས༎ད་བཅོལ་ལེགས་པའི་ཞུ་བ་གཅིག་ཏུ་འབུལ༎ཆད་པའི་གཞུང་གཅིག་བདག་གིས་མི་བསྲིང་རྒྱུ༎ཆད་ལས་དོན་འབྱུང་དོན་ལ་མ་གཡེལ་ཅིག །བཅོལ་བའི་ཕྲིན་ལས་ཁྱོད་ཀྱི་མི་མཛད་རྒྱུ༎ཕྲིན་ལས་དོན་དུ་གཟུགས་སྐུར་བཞེངས་ལ་དགོངས༎དབུ་འཕངས་གཉན་པོ་དེ་རིང་མི་བསྟོད་རྒྱུ༎ཕྱོགས་ལས་རྣམ་རྒྱལ་བརྟུལ་ཞུགས་འཛིན་པའི་ཕྱིར༎ལྷུན་པོའི་སྤོ་དང་ཉི་ཟླའི་བཀྲག་མདངས་ཀྱང་༎རྔམ་བརྗིད་ཡོན་ཏན་འབར་བའི་དཔྱིད་དུ་སྤུངས༎སྙིགས་མ་ལྔ་ཡི་ཡང་མཐར་ལལྷུང་བ་རྣམས༎ནད་མཚོན་དམག་འཁྲུགས་མུ་གེས་མནར་བའི་ཚེ༎སྐྱབས་འོས་དཀོན་མཆོག་རིན་ཆེན་རྣམ་པ་གསུམ༎དམ་ཅན་ཆོས་སྲུང་རྒྱ་མཚོར་བཞེངས་ལ་འབོད༎ཞི་བ་ཕྱོགས་གཅིག་མྱ་ངན་མི་འདའ་བར༎སློབ་པ་ལམ་གྱི་དམ་བཅའི་མཐར་ཐུག་ཕྱིར༎སྟོང་ཉིད་དབྱིངས་ལས་སྙིང་རྗེའི་སྒྱུ་ཐབས་གར༎རྣམ་བཞིའི་ཕྲིན་ལས་རོལ་མོར་མངའ་གསོལ་ལོ༎རྟ་གདོང་མེ་ལྕེ་འབར་བའི་མུ་ཁྱུད་ནང་༎ལས་དབང་བསོད་ནམས་རླུང་རྟ་དར་དྲགས་པས༎དཔུང་ཚོགས་ཡན་ལག་བཞི་པའི་རྩིབས་རྣོན་གྱིས༎གཞན་སྡེའི་བརྟན་པ་འཕྲོག་པར་མངའ་གསོལ་ལོ༎ཀུན་འབྱུང་འཁོར་བའི་རྒྱུ་འབྲས་རྣམ་རྟོག་གི༎གཞན་དབང་ཉིད་དུ་ཡོངས་ཡེར་མ་བཟུང་བས༎གང་ལ་གསོལ་བ་བཏབ་ན་ཡིད་བཞིན་དོན༎འབད་མེད་འགྲུབ་པའི་ནོར་བུར་མངའ་གསོལ་ལོ༎རང་སྡེ་སྲུང་ལ་ཤིན་ཏུ་མཛངས་བཞིན་དུ༎གཞན་སྡེ་དབང་བྱེད་སྒྱུ་རྩལ་ལ་གོམས་པས༎ཐབས་ལ་མཁས་པའི་ཤེས་རབ་མིག་ཡངས་མས༎ཁམས་གསུམ་དབང་བྱེད་བཙུན་མོར་མངའ་གསོལ་ལོ༎འདུ་འཛིས་གནས་ཀྱང་བསྡུ་བའི་དངོས་པོ་དང་༎ཚངས་གནས་བཞི་ཡི་དོན་ལ་སྦྱོར་བྱེད་ཅིང་༎འབྱོར་ཞིང་རྒྱས་ལ་སྲིད་སྡེ་སྲུང་མཁས་པའི༎ཁྱིམ་བདག་རིན་ཆེན་མཆོག་ཏུ་མངའ་གསོལ་ལོ༎རྟག་ཆད་དོན་ལ་སེམས་པའི་མུ་སྟེགས་དང་༎འཚེ་བ་ཆོས་སུ་སྨྲ་བའི་ཀླ་ཀློའི་དཔུང་༎ཐེག་ཆེན་ལུས་སྟོབས་རྒྱས་པའི་སྣ་ཞགས་ཀྱི༎རལ་གྲིས་གཅོད་པའི་གླང་པོར་མངའ་གསོལ་ལོ༎བསྐུལ་སར་ཡུད་ཀྱིས་ཕྱིན་པའི་མགྱོགག་པའི་བང༎རྦད་སར་ཐོགས་རྡུག་མེད་པའི་རླུང་གི་ཤུགས༎ཕ་རོལ་རི་རབ་ཡིན་ཡང་རྫུ་འཕྲུལ་གྱིས༎བརླག་བྱེད་རྟ་མཆོག་ཆེན་པོར་མངའ་གསོལ་ལོ༎ལེགས་ཉེས་སྟངས་འཛིན་བདག་པོ་ཁྱེད་རྣམས་ནི༎རྫུ་འཕྲུལ་རྐང་པ་བཞི་ལ་དབང་ཐོབ་ཅིང་༎སྟོབས་བཅུ་མི་འཇིགས་རྣམ་བཞིའི་རྩལ་རྫོགས་པས༎དགྲ་སྡེ་འཇོམས་པའི་དམག་དཔོན་ཆེན་པོར་མཛོད༎ཁྱད་པར་རང་སྲིད་འབྱོར་བས་མི་ངོམས་པར༎གཞན་སྡེ་ཟ་བའི་ལྷ་མིན་འཇུག་པ་ཅན༎བྱེད་པ་རྒྱུ་མཐུན་མཚོན་ཆའི་རྣོ་དབལ་རྩེར༎རང་སྲོག་རང་གིས་འཕྲོག་པར་མངའ་གསོལ་ལོ༎གང་ལ་སྲུང་སྐྱོབ་བྱེད་པའི་ལྷ་སྲུང་དང་༎མཛའ་གཅུག་དམ་བཅའི་རི་མོ་ཉེར་བསུབས་ལ༎བསྟན་འགྲོའི་ཕན་བདེ་བཤིགས་པའི་མདུན་གྲོས་དཔུང་༎ནང་དབྱེན་དམེ་འཁྲུགས་སྦྱོར་བས་སྤ་བཀོངས་ཤིག །རིགས་གསུམ་མགོན་པོ་མེས་དབོན་རྣམ་གསུམ་གྱིས༎རྒྱལ་བསྟན་གངས་རིར་དྲངས་པ་ཆུད་གསན་ནས༎དགེ་བཅུའི་ཁྲིམས་ཀྱི་མུ་ཁྱུད་བཤིགས་པ་རྣམས༎དོན་སྙིང་ལྐོག་མར་འབྱིན་པར་མངའ་གསོལ་ལོ༎འཇིག་རྟེན་ལས་ཀྱིས་སྤྲུལ་པའི་གཞན་དབང་ལ༎ཕྱྭ་དང་དབང་ཕྱུག་རང་དབང་ཡིན་ཟེར་ན༎བདེན་པ་གཉིས་དང་དེ་ཡི་བསྟན་སྲུང་ལ༎བརྟེན་གོམས་བྱས་པའི་འབྲས་བུ་གཡེལ་ལམ་ཅི༎ཆོས་ཀྱི་སྐུ་ནི་དུས་གསུམ་སྐྱེ་འགག་མེད༎ལོངས་སྤྱོད་རྫོགས་ལས་རྣམ་སྤྲུལ་ཆོས་སྐྱོང་རྣམས༎དམ་ཅན་ཉིད་ཕྱིར་དམ་ཚིག་དང་བཞེས་ལ༎ལྔ་བདོའི་འགྲོ་འདི་སྲུང་སྐྱོབ་དུས་ལ་བབ༎མིག་འཕྲུལ་ལས་ཀྱང་མྱུར་བའི་འཇིག་རྟེན་འདིའི༎རྒུད་པ་སྣ་ཚོགས་དམ་ཅན་ཆོས་སྲུང་མཐུས༎བསྲུང་ཞིང་ཁྱད་པར་བདག་ཅག་ཡོན་མཆོད་ལ༎ལུས་དང་གྲིབ་བཞིན་འགྲོགས་ནས་དོན་དན་མཛོད༎གཞིས་སུ་འདུག་ན་རྫོགས་ལྡན་དགའ་སྟོན་སྤེལ༎བྱེས་སུ་ལམ་འཕྲངས་ཆོམ་རྐུན་ཁ་ཆར་སྲུང་༎དགྲ་དང་འགྱེད་ན་དཔའ་རྟགས་རུ་མཚོན་ཕྱོར༎ཕྱོགས་ལས་རྣམ་རྒྱལ་བཀྲ་ཤིས་བདེ་ལེགས་མཛོད༎
རྣམ་པ་ཀུན་གྱི་མཆོག་ལྡན་སྟོང་པའི་གཟུགས༎ཀུན་ཁྱབ་བདེ་ཆེན་ངང་དུ་རོ་གཅིག་ཀྱང་༎མ་རིག་འཛིན་པའི་ལས་རླུང་ཀྱིས་སྤྲུལ་པའི༎གཡར་དམ་གཉན་པོ་ཆོས་ཀྱི་དབྱིངས་སུ་བསྲེ༎འདས་པའི་རྣམ་པར་རྟོག་པ་ཡོད་དོ་ཅོག །སྔར་བཅོལ་ལེགས་པའི་གཏང་རག་གཉན་པོར་སྤེལ༎མ་འོང་རྣམ་པར་རྟོག་པ་གནས་བསྒྱུར་ནས༎ད་བཅོལ་ལེགས་པའི་ཞུ་བ་གཅིག་ཏུ་འབུལ༎ཆད་པའི་གཞུང་གཅིག་བདག་གིས་མི་བསྲིང་རྒྱུ༎ཆད་ལས་དོན་འབྱུང་དོན་ལ་མ་གཡེལ་ཅིག །བཅོལ་བའི་ཕྲིན་ལས་ཁྱོད་ཀྱི་མི་མཛད་རྒྱུ༎ཕྲིན་ལས་དོན་དུ་གཟུགས་སྐུར་བཞེངས་ལ་དགོངས༎དབུ་འཕངས་གཉན་པོ་དེ་རིང་མི་བསྟོད་རྒྱུ༎ཕྱོགས་ལས་རྣམ་རྒྱལ་བརྟུལ་ཞུགས་འཛིན་པའི་ཕྱིར༎ལྷུན་པོའི་སྤོ་དང་ཉི་ཟླའི་བཀྲག་མདངས་ཀྱང་༎རྔམ་བརྗིད་ཡོན་ཏན་འབར་བའི་དཔྱིད་དུ་སྤུངས༎སྙིགས་མ་ལྔ་ཡི་ཡང་མཐར་ལལྷུང་བ་རྣམས༎ནད་མཚོན་དམག་འཁྲུགས་མུ་གེས་མནར་བའི་ཚེ༎སྐྱབས་འོས་དཀོན་མཆོག་རིན་ཆེན་རྣམ་པ་གསུམ༎དམ་ཅན་ཆོས་སྲུང་རྒྱ་མཚོར་བཞེངས་ལ་འབོད༎ཞི་བ་ཕྱོགས་གཅིག་མྱ་ངན་མི་འདའ་བར༎སློབ་པ་ལམ་གྱི་དམ་བཅའི་མཐར་ཐུག་ཕྱིར༎སྟོང་ཉིད་དབྱིངས་ལས་སྙིང་རྗེའི་སྒྱུ་ཐབས་གར༎རྣམ་བཞིའི་ཕྲིན་ལས་རོལ་མོར་མངའ་གསོལ་ལོ༎རྟ་གདོང་མེ་ལྕེ་འབར་བའི་མུ་ཁྱུད་ནང་༎ལས་དབང་བསོད་ནམས་རླུང་རྟ་དར་དྲགས་པས༎དཔུང་ཚོགས་ཡན་ལག་བཞི་པའི་རྩིབས་རྣོན་གྱིས༎གཞན་སྡེའི་བརྟན་པ་འཕྲོག་པར་མངའ་གསོལ་ལོ༎ཀུན་འབྱུང་འཁོར་བའི་རྒྱུ་འབྲས་རྣམ་རྟོག་གི༎གཞན་དབང་ཉིད་དུ་ཡོངས་ཡེར་མ་བཟུང་བས༎གང་ལ་གསོལ་བ་བཏབ་ན་ཡིད་བཞིན་དོན༎འབད་མེད་འགྲུབ་པའི་ནོར་བུར་མངའ་གསོལ་ལོ༎རང་སྡེ་སྲུང་ལ་ཤིན་ཏུ་མཛངས་བཞིན་དུ༎གཞན་སྡེ་དབང་བྱེད་སྒྱུ་རྩལ་ལ་གོམས་པས༎ཐབས་ལ་མཁས་པའི་ཤེས་རབ་མིག་ཡངས་མས༎ཁམས་གསུམ་དབང་བྱེད་བཙུན་མོར་མངའ་གསོལ་ལོ༎འདུ་འཛིས་གནས་ཀྱང་བསྡུ་བའི་དངོས་པོ་དང་༎ཚངས་གནས་བཞི་ཡི་དོན་ལ་སྦྱོར་བྱེད་ཅིང་༎འབྱོར་ཞིང་རྒྱས་ལ་སྲིད་སྡེ་སྲུང་མཁས་པའི༎ཁྱིམ་བདག་རིན་ཆེན་མཆོག་ཏུ་མངའ་གསོལ་ལོ༎རྟག་ཆད་དོན་ལ་སེམས་པའི་མུ་སྟེགས་དང་༎འཚེ་བ་ཆོས་སུ་སྨྲ་བའི་ཀླ་ཀློའི་དཔུང་༎ཐེག་ཆེན་ལུས་སྟོབས་རྒྱས་པའི་སྣ་ཞགས་ཀྱི༎རལ་གྲིས་གཅོད་པའི་གླང་པོར་མངའ་གསོལ་ལོ༎བསྐུལ་སར་ཡུད་ཀྱིས་ཕྱིན་པའི་མགྱོགག་པའི་བང༎རྦད་སར་ཐོགས་རྡུག་མེད་པའི་རླུང་གི་ཤུགས༎ཕ་རོལ་རི་རབ་ཡིན་ཡང་རྫུ་འཕྲུལ་གྱིས༎བརླག་བྱེད་རྟ་མཆོག་ཆེན་པོར་མངའ་གསོལ་ལོ༎ལེགས་ཉེས་སྟངས་འཛིན་བདག་པོ་ཁྱེད་རྣམས་ནི༎རྫུ་འཕྲུལ་རྐང་པ་བཞི་ལ་དབང་ཐོབ་ཅིང་༎སྟོབས་བཅུ་མི་འཇིགས་རྣམ་བཞིའི་རྩལ་རྫོགས་པས༎དགྲ་སྡེ་འཇོམས་པའི་དམག་དཔོན་ཆེན་པོར་མཛོད༎ཁྱད་པར་རང་སྲིད་འབྱོར་བས་མི་ངོམས་པར༎གཞན་སྡེ་ཟ་བའི་ལྷ་མིན་འཇུག་པ་ཅན༎བྱེད་པ་རྒྱུ་མཐུན་མཚོན་ཆའི་རྣོ་དབལ་རྩེར༎རང་སྲོག་རང་གིས་འཕྲོག་པར་མངའ་གསོལ་ལོ༎གང་ལ་སྲུང་སྐྱོབ་བྱེད་པའི་ལྷ་སྲུང་དང་༎མཛའ་གཅུག་དམ་བཅའི་རི་མོ་ཉེར་བསུབས་ལ༎བསྟན་འགྲོའི་ཕན་བདེ་བཤིགས་པའི་མདུན་གྲོས་དཔུང་༎ནང་དབྱེན་དམེ་འཁྲུགས་སྦྱོར་བས་སྤ་བཀོངས་ཤིག །རིགས་གསུམ་མགོན་པོ་མེས་དབོན་རྣམ་གསུམ་གྱིས༎རྒྱལ་བསྟན་གངས་རིར་དྲངས་པ་ཆུད་གསན་ནས༎དགེ་བཅུའི་ཁྲིམས་ཀྱི་མུ་ཁྱུད་བཤིགས་པ་རྣམས༎དོན་སྙིང་ལྐོག་མར་འབྱིན་པར་མངའ་གསོལ་ལོ༎འཇིག་རྟེན་ལས་ཀྱིས་སྤྲུལ་པའི་གཞན་དབང་ལ༎ཕྱྭ་དང་དབང་ཕྱུག་རང་དབང་ཡིན་ཟེར་ན༎བདེན་པ་གཉིས་དང་དེ་ཡི་བསྟན་སྲུང་ལ༎བརྟེན་གོམས་བྱས་པའི་འབྲས་བུ་གཡེལ་ལམ་ཅི༎ཆོས་ཀྱི་སྐུ་ནི་དུས་གསུམ་སྐྱེ་འགག་མེད༎ལོངས་སྤྱོད་རྫོགས་ལས་རྣམ་སྤྲུལ་ཆོས་སྐྱོང་རྣམས༎དམ་ཅན་ཉིད་ཕྱིར་དམ་ཚིག་དང་བཞེས་ལ༎ལྔ་བདོའི་འགྲོ་འདི་སྲུང་སྐྱོབ་དུས་ལ་བབ༎མིག་འཕྲུལ་ལས་ཀྱང་མྱུར་བའི་འཇིག་རྟེན་འདིའི༎རྒུད་པ་སྣ་ཚོགས་དམ་ཅན་ཆོས་སྲུང་མཐུས༎བསྲུང་ཞིང་ཁྱད་པར་བདག་ཅག་ཡོན་མཆོད་ལ༎ལུས་དང་གྲིབ་བཞིན་འགྲོགས་ནས་དོན་དན་མཛོད༎གཞིས་སུ་འདུག་ན་རྫོགས་ལྡན་དགའ་སྟོན་སྤེལ༎བྱེས་སུ་ལམ་འཕྲངས་ཆོམ་རྐུན་ཁ་ཆར་སྲུང་༎དགྲ་དང་འགྱེད་ན་དཔའ་རྟགས་རུ་མཚོན་ཕྱོར༎ཕྱོགས་ལས་རྣམ་རྒྱལ་བཀྲ་ཤིས་བདེ་ལེགས་མཛོད༎
ཅེས་པའང་མདའ་དཔོན་ཕ་ལྷའི་ངོར་རྫོགས་ཆེན་པ་འཇིགས་མེད་གླིང་བས་སོ༎དགེའོ། དགེའོ། དགེའོ༎
འདི་གའི་ཡིག་ཆ་རྣམས་ང་ཚོའི་ཆོག་མཆན་མེད་པར་བརྐུ་བཤུ་བརྒྱུད་འགོད་མ་བྱེད་རོགས།
No comments:
Post a Comment
ཁྱེད་ཀྱི་དགོངས་ཚུལ་གླེང་བར་རེ་སྒུག་ཡོད།