ཁྱིམ་ཚང་ཞིག་གིས་ལོ་རྟག་པར་ཨ་མཆོད་གདན་དྲངས་ནས་རྡོ་རྗེ་གཅོད་པ་བསག་འཇུག་གིན་ཡོད། ཁྱིམ་ཚང་གི་མ་རྒན་དེས་ཀྱང་ལོ་རྟག་པར་རྡོ་རྗེ་གཅོད་པ་ཨ་མཆོད་ཀྱི་འདོན་སྐབས་རབ་འབྱོར་རབ་འབྱོར་ཟེར་བ་ཐེངས་མང་པོར་ཐོས་ཀྱིན་ཡོད། ལོ་གཅིག་ལ་ཨ་མཆོད་ཅིག་གདན་དྲངས་ནས་རྡོ་རྗེ་གཅོད་པ་ཀློག་ཏུ་བཅུག མ་རྒན་དེས་དད་གུས་ཆེན་པོས་ཉན་བསྡད། ཡིན་ན་ཡང་
སྔོན་དང་མི་འདྲ་བར་ཐེངས་འདིར་རབ་འབྱོར་ཟེར་བ་གཅིག་ཀྱང་མ་ཐོས། དེར་མ་རྒན་གྱིས། ཨ་མཆོད་ལགས། ཨ་མཆོད་སྔོན་མ་ཚོས་རྡོར་གཅོད་ཀློག་སྐབས་རབ་འབྱོར་ཟེར་བ་ཐེངས་མང་པོར་ཐོས་རྒྱུ་ཡོད། ཁྱེད་ཀྱིས་ཀློག་སྐབས་རབ་འབྱོར་ཟེར་བ་གཅིག་ཀྱང་ཐོས་རྒྱུ་མེད་དོན་གང་རེད། ཅེས་དྲིས། ཨ་མཆོད་ཀྱིས་དབུགས་རིང་ཞིག་བཏང་ནས་སེམས་སྐྱོ་མདོག་གིས། སྤྱིར་ན་རྡོ་རྗེ་གཅོད་པའི་ནང་ན་རབ་འབྱོར་ཟེར་བ་མང་པོ་ཡོད་ན་ཡང་ངའི་ཕ་རྒན་འདས་པོའི་མིང་ལ་རབ་འབྱོར་ཟེར་བ་ཡིན་སྟབས་ང་ལ་ཕ་རྒན་འདས་པོའི་མིང་འབོད་འདོད་གཏན་ནས་མི་འདུག[1] དགོངས་དག ཞེས་བཤད། དོན་དུ་ཨ་མཆོད་དེས་ཡི་གེ་གཏན་ནས་ཀློག་ཤེས་ཀྱིན་མེད་པ་རེད། [1] བོད་ཀྱི་ཡུལ་ལུང་མང་པོར་རང་གི་གཉེན་ཉེ་ངོ་ཤེས་སོགས་གྲོངས་ཟིན་པ་རྣམས་ཀྱི་མིང་ནས་འབོད་སྲོལ་མེད་པ་རེད།
མཚར་གཏམ་དེ་ངས་དུས་དེབ་ཞིག་ཏུ་བཀོད་ན་འགྲིགས་སམ། ར་ས་བས།
ReplyDelete