མཁའ་དབྱིངས་རིག་པའི་འཕྲུལ་ཆས་ལ་བརྟེན་ནས་་ཨི་རྗིབ་ཀྱི་གནའ་ཤུལ་འབོར་ཆེན་རྙེད་པ།

ཨ་ལ་བྷ་མ་སྣ་འཛོམ་སློབ་གྲྭ་ཆེན་མོའི་ཨི་རྗིབ་རིག་པ་བ་དང་སློབ་དཔོན་ཆེན་མོའི་ལས་རོགས་ས་རཱ་ཕར་ཀག Sarah Parcak ་ཀྱིས་གཙོ་འགན་འཁུར་ཏེ་ལོ་གཅིག་ལྷག་གི་རིང་ལ་འཁོར་སྐར་དང་NASAམཁའ་དབྱིངས་རྩད་ཞིབ་འཕྲུལ་ཆས་ཟུང་འབྲེལ་གྱིས་བར་སྣང་མེལ་ལེ་༤༠༠ཙམ་ནས་མར་ས་ངོས་སུ་པར་ལེན་འབད་བརྩོན་ལྟ་ཞིབ་བྱས་འབྲས་སུ།
ཨི་རྗིབ་ཀྱི་གནའ་བོའི་ཤུལ་དངོས་འབོར་ཆེན་ཞིག་གསལ་མཐོང་ཐུབ་འདུག དེ་ཡང་སྙུང་དབྱིབས་དེའུ་བརྩིགས་༡༧། བང་སོ་༡༠༠༠ཙམ། གྲོང་ཚོ་༣༡༠༠ཙམ་སོགས་འདུས་ཡོད་འདུག

དེ་ལྟ་བུའི་འཕྲུལ་ཆས་ལ་བརྟེན་ནས་གནའ་ཤུལ་འཚོལ་ཞིབ་བྱེད་པ་དེ་ནི་གནའ་ཤུལ་ཞིབ་འཇུག་པ་ཚོས་སྔོན་ནས་ལག་ལེན་དུ་བཏབ་ཟིན་པ་ཞིག་ཡིན། དེ་ཡང་ཁེམ་བྷོ་ཌི་ཡའི་ཨང་ཁོར་ཝ་ཏྲི་སོགས་སུ་ཡང་དེ་ལྟར་འཚོལ་ཞིབ་བྱས་མྱོང་འདུག དེ་ལྟ་བུའི་འཕྲུལ་ཆས་ལ་བརྟེན་ནས་འཚོལ་ཞིབ་བྱས་ན་སྐབས་ཕལ་མོ་ཆེར་ས་མིག་གཅིག་གི་གནའ་ཤུལ་གྱིས་ས་མིག་དེ་ལས་ལྡབས་གཉིས་གསུམ་གྱིས་ཆེ་བའི་ས་ཁྱོན་དུ་ཁྱབ་ཡོད་པ་གཞི་ནས་ཤེས་ཀྱིན་ཡོད།

དེ་ལྟ་བུའི་གནའ་ཤུལ་འབོར་ཆེན་ཞིག་གི་ས་བཀྲའི་དཔར་རིས་མཁོ་སྤྲོད་ཐུབ་ཡོད་ན་ཡང་ཡང་སྙིང་སའི་འོག་ཏུ་ནུབ་ཟིན་པའི་གནའ་ཤུལ་དེ་དག་ལས་དངོས་རྫས་གང་ཞིག་གང་ཞིབ་རྙེད་ཐུབ་མིན་ད་དུང་ཤེས་རྟོགས་མི་ཐུབ། དེར་བརྟེན་སྔོགས་འདོན་བྱ་རྒྱུ་ལས་ཐབས་གཞན་གྱིས་དངོས་རྫས་གང་ཞིག་ས་འོག་དེར་སྦས་ཡོད་མེད་ཤེས་ཁག་པོ་རེད་ཅེས་སློབ་དཔོན་ས་རཱ་ཕར་ཀག་ལགས་ཀྱིས་བརྗོད་འདུག

གོང་གི་འདྲ་པར་གྱི་ཡོང་ཁུངས་ལོ་རྒྱུས་རིག་པའི་བརྒྱུད་ལམ་དྲ་བ་ཡིན། 

འདི་ཀའི་ཡིག་ཆ་རྣམས་བརྐུ་བཤུ་བརྒྱུད་འགོད་མ་བྱེད་རོགས།