ཏྲེ་ཧོར་བྲག་མགོ་དགོན་པའི་དགེ་བཤེས་བློ་བཟང་དོན་གྲུབ་མཆོག་ཟླ༥པའི་ཚེས༡་ཉིན་དགོངས་པ་རྫོགས་པའི་གནས་ཚུལ་འདུག དེ་ཡང་དམ་པ་དེ་ཉིད་ནི་༡༩༢༤ལོར་བྲག་མགོའི་ནོར་པ་སྡེ་པ་རུ་འཁྲུངས། འབྲས་སྤུངས་བློ་གསལ་གླིང་དུ་ཏྲེ་ཧོར་སྐྱོར་དཔོན་རིན་པོ་ཆེ་སོགས་ལས་དམ་པའི་ཆོས་ཀྱི་གཞུང་ལུགས་ལ་གསན་སྦྱངས་གནང་། བོད་དུ་ཆོས་དད་བསྐྱར་གསོ་བྱུངས་སྐབས་སི་ཁྲོན་ཞིང་ཆེན་བོད་ཡིག་སློབ་གྲྭར་ཚད་མ་རིགས་པའི་སློབ་ཁྲིད་སྔ་ཕྱིར་གནང་བ་དང་། བྲག་མགོ་དགོན་དུ་ལོ་མང་པོའི་རིང་གཞུང་ཆེན་ཁག་སློབ་ཁྲིད་གནང་། དམ་པ་འདི་ཉིད་ནི་མདོ་ཁམས་ཕྱོགས་སུ་སངས་རྒྱས་ཀྱི་བསྟན་པ་དར་སྤེལ་ལ་བྱས་རྗེས་ཆེ་ཞིང་རིས་སུ་མ་ཆད་པའི་དད་ལྡན་མང་ཚོགས་ཀྱིས་དད་གུས་རྒྱ་ཆེར་ཞུ་བཞིན་ཡོད་སྟབས་ཁོང་སྐུ་གཤེགས་པ་དེ་ནི་གྱོང་རྒུད་ཆེན་པོ་ཞིག་རེད།
No comments:
Post a Comment
ཁྱེད་ཀྱི་དགོངས་ཚུལ་གླེང་བར་རེ་སྒུག་ཡོད།