སྟོན་པ་སངས་རྒྱས་དང་བྱ་རྒོད།

རྡོ་རྗེ་ཚེ་སྲུང་གིས་བྲིས།

གནའ་སྔ་མོའི་དུས་སུ་བྱ་རྒོད་ནི་ཤེད་ཤུགས་ཆེ་ཞིང་ཆེས་གདུག་རྩུབ་ལྡན་པ་ཞིག་ཡིན་པས་གནམ་ལ་འཕུར་རྒུ་དང་ས་ལ་འཛུལ་རྒུ་ཚང་མ་བསད་འགྲོ་མཁན་གྱི་འདབ་ཆགས་འཇིགས་སུ་རུང་བའི་རིགས་ཤིག་ཡིན། སྟོན་པ་ཤཱཀྱ་ཐུབ་པ་ཞལ་བཞུགས་པའི་དུས་སུ་བྱ་རྒོད་ཁྱུ་གཅིག་ནམ་མཁའ་ལ་ལྡིངས། སྐབས་དེར་སྟོན་པ་སངས་རྒྱས་ཀྱི་དབུའི་གཙུག་ཏོར་གྱི་འོད་སྣང་ནམ་མཁར་འཕགས་ནས་བཞུགས་ཡོད་པ་མཐོང་ནས་བྱ་རྒོད་རྣམས་ངོ་མཚར་སྐྱེས། ཡར་ནམ་མཁརཅི་ཙམ་བཀྱག་ན་ཡང་སྟོན་པའི་དབུའི་གཙུག་ཏོར་གྱི་འོད་ཟེར་གྱི་མཐའ་མཐོང་མ་ནུས། 

ཆོས་ཉིད་ཡེ་ནས་དག་པའི་གཏན་ཚིག

རྡོ་རྗེ་ཚེ་སྲུང་།

ཆོས་ཉིད་ཡེ་དག་རིག་པའི་ཀློང་།།
ཆོས་ཀྱི་དབྱིངས་ཀྱི་ཡེ་ཤེས་ལས།།

གཏི་མུག་རང་གྲོལ་སྟུག་པོ་བཀོད།།

མཐིང་གསལ་རྣམ་པར་སྣང་མཛད་ཤར།།

མཁའ་ཁམས་རྣམ་པར་དག་པ་ཡི།།

ཡུམ་ཆེན་སངས་རྒྱས་མཁའ་འགྲོར་སྦྱོར།།

ཆོས་ཉིད་ཡེ་དག་རིག་པའི་ཀློང་།།

མེ་ལོང་ལྟ་བུའི་ཡེ་ཤེས་ལས།།

ཞེ་སྡང་རང་གྲོལ་མངོན་པར་དགའ།།

དཀར་གསལ་རྡོ་རྗེ་སེམས་དཔའ་ཤར།།

ས་ཁམས་རྣམ་པར་དག་པ་ཡི།།

ཡུམ་ཆེན་རྡོ་རྗེ་མཁའ་འགྲོར་སྦྱོར།།

དེང་དུས་ཀྱི་འཇིག་རྟེན།

རྡོ་རྗེ་ཚེ་སྲུང་གིས་བྲིས།

ཁང་བ་མང་དུ་མང་དུ་གྱུར།།

སྡོད་ཁྱིམ་ཆུང་དུ་ཆུང་དུ་གྱུར།།

ཆུ་ཚོད་འཁོར་ལོ་ཇེ་མང་རེད།།

དུས་ཚོད་ཁོམ་པ་ཇེ་ཉུང་རེད།།

ནེ་ཙོ་གཡུ་འབུམ།

མི་རྒན་ཚོའི་ངག་རྒྱུན་ལ་བོད་ཀྱི་ཡུལ་ལུང་ག་གེ་མོ་ཞིག་ན་ནེ་ཙོ་གཡུ་འབུམ་ཟེར་བའི་མཆོད་རྟེན་ཆེན་པོ་ཞིག་མཇལ་དུ་ཡོད་ཟེར། མཆོད་རྟེན་དེ་བཞེངས་མཁན་ནི་ཚོང་དཔོན་ནོར་བུ་བཟང་པོ་ཡིན། དེ་ཡང་ཚོང་དཔོན་ནོར་བུ་བཟང་པོ་འཚོ་ཞིང་བཞུགས་པའི་དུས་སུ་བོད་ཀྱི་ཡུལ་ལུང་ཞིག་ན་ཁྱིམ་ཚང་འབྱོར་ལྡན་ཞིག་དང་འབྱོར་མེད་ཅིག་ཁྱིམ་མཚེས་མཐུན་པོར་ཡོད། ཁྱིམ་ཚང་དེ་གཉིས་ལ་བུ་ལོ་ན་མཉམ་པ་གཉིས་ཡོད། བུ་དེ་གཉིས་ནར་སོན་སྐབས་སུ་ཕ་མ་རྣམས་གྲོས་བསྡུར་བྱས་ནས་བུ་དེ་གཉིས་ས་ཐག་རིང་པོ་ཞིག་ལ་འཕོ་བ་གྲོང་འཇུག་སྦྱང་དུ་འགྲོ་བར་ཐག་བཅད། བུ་དེ་གཉིས་ཡུལ་ཐག་རིང་པོ་ཞིག་ཏུ་ཕྱིན་ནས་འཕོ་བ་གྲོང་འཇུག་བྱེད་སྟངས་བསླབས་ཤིང་ལེགས་པར་ཤེས།